"Ювентус" бош мураббийи Массимилиано Аллегри А Сериянинг 3-тури доирасидаги "Рома"га қарши ўйиндан олдинги фикрлари билан ўртоқлашди. Эслатиб ўтамиз, "кекса синьора" эртага Тошкент вақти билан соат 21:30да римликларни қабул қилади.
“Эртага биз жуда яхши ҳаракат қилаётган жамоага қарши ўйнаймиз. Моуриньо билан учрашиш ҳар доим ёқимли, у “Рома”да яхши иш қиляпти”, деди Аллегри матбуот анжуманида.
“Рома” Италия А Сериясининг дастлабки икки турида максимал очко тўплади. “Ювентус” ҳафта бошида “Сампдория” меҳмони бўлиб дуранг ўйнаб, бор-йўғи 4 очко тўплади.
Эртага "Рома" ҳужумчиси Пауло Дибала собиқ жамоасига қарши майдонга тушади.
