"Атлетико" президенти Энрике Сересо Антуан Гризманн жамоада қолишини маълум қилди.
“Гризманн жамоамизнинг бир қисми. У биз учун муҳим. Ва агар у жамоанинг бир қисми бўлса, унда шундайлигича қолади. Ғалати бурилишларни қидирманг. Бизда сифатли ўйинчилар тўпланган яхши таркиб бор. Ҳа, биз “Вильярреал”га ютқаздик, аммо душанба куни “Валенсия” билан ўйин ўтказамиз, ҳаммаси яхши бўлади”, — дея Сересо сўзларидан иқтибос келтиради Mundo Deportivo.
Аввалроқ, франциялик ҳужумчи Мадрид клубининг молиявий муаммоларига қарамай, "Атлетико"да ўйнашда давом этишига ишончи комил экани ҳақида хабар берилганди. Ҳужумчи маошини қисқартиришга тайёр.
Ла Лиганинг биринчи туридан ўрин олган "Атлетико Мадрид" - "Хетафе" (3:0) учрашувида 31 ёшли Гризманн гол урди. Айни дамда франциялик футболчи Мадрид клубида 2023 йилнинг ёзига қадар ижара асосида ўйнайди. Футболчининг ҳуқуқлари "Барселона"га тегишли.
