"Atletiko" prezidenti Enrike Sereso Antuan Grizmann jamoada qolishini ma’lum qildi.
“Grizmann jamoamizning bir qismi. U biz uchun muhim. Va agar u jamoaning bir qismi bo‘lsa, unda shundayligicha qoladi. G‘alati burilishlarni qidirmang. Bizda sifatli o‘yinchilar to‘plangan yaxshi tarkib bor. Ha, biz “Vilyarreal”ga yutqazdik, ammo dushanba kuni “Valensiya” bilan o‘yin o‘tkazamiz, hammasi yaxshi bo‘ladi”, — deya Sereso so‘zlaridan iqtibos keltiradi Mundo Deportivo.
Avvalroq, fransiyalik hujumchi Madrid klubining moliyaviy muammolariga qaramay, "Atletiko"da o‘ynashda davom etishiga ishonchi komil ekani haqida xabar berilgandi. Hujumchi maoshini qisqartirishga tayyor.
La Liganing birinchi turidan o‘rin olgan "Atletiko Madrid" - "Xetafe" (3:0) uchrashuvida 31 yoshli Grizmann gol urdi. Ayni damda fransiyalik futbolchi Madrid klubida 2023 yilning yoziga qadar ijara asosida o‘ynaydi. Futbolchining huquqlari "Barselona"ga tegishli.
