"Саутгемптон" ҳимоячиси Ян Беднарек бошқа жамоага ўтиши мумкин, дея хабар беради журналист Фабрицио Романо.
Манбага кўра, 26 ёшли польшалик "Астон Вилла"га даъво қилмоқда. Бирмингемликлар футболчини мавсум тугаганидан кейин сотиб олиш имконияти билан ижарага олмоқчи.
Ўтган мавсумда Беднарек Премьер-лигада 31 та ўйин ўтказиб, 4 та гол урган. Transfermarkt портали футболчининг нархини 22 миллион еврога баҳоламоқда.