"Барселона" ва Аргентина терма жамоаси ҳужумчиси Леонел Месси бугун ўзининг 25 ёшини қаршиламоқда.
Бугунги даврнинг икки энг яхши фтуболчисидан бири бўлмиш Месси ҳали ёш бўлса-да, жуда кўп соврин ва эътирофларга сазовор бўлган. Уч марта "Олтин тўп" соҳиби, Ёшлар ўртасида жаҳон чемпионати ғолиби ва олимпиада чемпиони. "Барселона" таркибида уч карра Европа чемпионлар лигасини, икки марта Клублар ўртасида жаҳон чемпионатини, беш марта Испания Ла лигасини, беш марта Испания суперкубогини, ҳамда икки марта Қироллик кубогини қўлга киритган.
Мессида шунингдек бир қатор шахсий совринлар ва рекордлар мавжуд.