"Аякс" бош мураббийи Альфред Шредер ҳужумчи Антони "Манчестер Юнайтед"га кетиши эҳтимолидан хафа бўлди.
Аввалроқ мутахассис 22 ёшли бразилиялик футболчининг "Аякс"да қолишига ишонч билдирганди.
“Ҳаммаси гап пулда. Менимча, бу ачинарли. Аммо бизнинг дунёмиз шундай. Бу жуда ачинарли ва мен бу нарсаларни умуман маъқулламайман”, деди Шредер ESPN телеканалига берган интервюсида.
Клублар Антони трансфери бўйича 100 миллион еврога келишиб олди. Бу миқдорга турли бонуслар киради.
Бразилиялик футболчи "Манчестер Юнайтед" билан яна бир мавсумга узайтириш имконияти билан 2027 йилгача шартнома имзолайди.













