"Нефтчи" бош мураббийи Владимир Ежуров Суперлиганинг 17-туридан ўрин олган "Қизилқум"га қарши ўйин борасида ўз фикрлари билан ўртоқлашди.

"Бугунги ғалаба билан барча жонкуяр мухлисларини табриклайман. Бугунги ўйин жуда оғир ўтди, биз оғир ўйин бўлишини кутган эдик. Ўтган матбуот анжуманида мураккаб иш бўлса-да, лекин футбочиларимизнинг онгини тубдан ўзгаритириш кераклигини таъкидлаган эдим. Учрашувдан олдин берган кўрсатмаларни футболчилар тўлалигача адо этишди, бугун футболчилар яҳши ҳаракат қилиб вазиятлардан унумли фойдалана олди. Рақиб жамоанинг ўйинларини ўрганиб чиққанимизда  тезкор ҳужумларга урғу бериш кераклигини футболчиларга тушунтирдик, биз кўпроқ қарши ҳужумда тезлик эвазига рақиб ҳимоясини хато қилишга мажбур қилдик.

Пенальтини амалга оширишга келсак, бундан аввалги ўйинларда Шаҳзод Убайдуллаев хатога йўл қўйганидан сўнг, футболчиларга майдонда ким жаримани амалга оширишини ўзларига қўйиб бердик, ким тайёр бўлса, пенальтини амалга ошириши  мумкин эди, бироқ бу сафар ҳам пенальти голга айланмади.  Бундан кейин пенальти тепиш бўйича ҳам машғулотларда жиддий иш олиб борамиз.

Неъматхонов бугун жамоа таркибидаги биринчи ўйинини ўтказди ва футболчи учрашувда яхши таассурот қолдирди, бундай ўйинлардан тажриба ортиради ва келажакда яхши ҳимоячи бўлиб етишишига умид қилиб қоламиз.

Қизил карточкалар бўйича жамоада йиғилиш бўлиб ўтди ва футболчиларга керакли кўрсатмалар берилди. Умуман айтганда, қизил карточка жамоа ўйинига қаттиқ таъсир кўрсатади, футболда ҳар хил ҳолатлар бўлади, майдонда провакация ва ҳиссиётларга берилмай ғалаба иштиёқида ўйинни давом этириш бўйича кўрсатмалар берилди. Ишонамизки, ғалабалар ҳали олдинда. Бугунги ғалаба жамоамиз аъзоларида ўзига бўлган ишончини ошириб, кейинги ўйинларда баҳсларда янада ижобий натижаларга эришишларида омил бўлади, Яна бир бор мухлисларимизни ғалаба билан табрийлаймиз.

“Нефтчи” ПФК матбуот хизмати