"Neftchi" bosh murabbiyi Vladimir Yejurov Superliganing 17-turidan o‘rin olgan "Qizilqum"ga qarshi o‘yin borasida o‘z fikrlari bilan o‘rtoqlashdi.

"Bugungi g‘alaba bilan barcha jonkuyar muxlislarini tabriklayman. Bugungi o‘yin juda og‘ir o‘tdi, biz og‘ir o‘yin bo‘lishini kutgan edik. O‘tgan matbuot anjumanida murakkab ish bo‘lsa-da, lekin futbochilarimizning ongini tubdan o‘zgaritirish kerakligini ta’kidlagan edim. Uchrashuvdan oldin bergan ko‘rsatmalarni futbolchilar to‘laligacha ado etishdi, bugun futbolchilar yahshi harakat qilib vaziyatlardan unumli foydalana oldi. Raqib jamoaning o‘yinlarini o‘rganib chiqqanimizda  tezkor hujumlarga urg‘u berish kerakligini futbolchilarga tushuntirdik, biz ko‘proq qarshi hujumda tezlik evaziga raqib himoyasini xato qilishga majbur qildik.

Penaltini amalga oshirishga kelsak, bundan avvalgi o‘yinlarda Shahzod Ubaydullayev xatoga yo‘l qo‘yganidan so‘ng, futbolchilarga maydonda kim jarimani amalga oshirishini o‘zlariga qo‘yib berdik, kim tayyor bo‘lsa, penaltini amalga oshirishi  mumkin edi, biroq bu safar ham penalti golga aylanmadi.  Bundan keyin penalti tepish bo‘yicha ham mashg‘ulotlarda jiddiy ish olib boramiz.

Ne’matxonov bugun jamoa tarkibidagi birinchi o‘yinini o‘tkazdi va futbolchi uchrashuvda yaxshi taassurot qoldirdi, bunday o‘yinlardan tajriba ortiradi va kelajakda yaxshi himoyachi bo‘lib yetishishiga umid qilib qolamiz.

Qizil kartochkalar bo‘yicha jamoada yig‘ilish bo‘lib o‘tdi va futbolchilarga kerakli ko‘rsatmalar berildi. Umuman aytganda, qizil kartochka jamoa o‘yiniga qattiq ta’sir ko‘rsatadi, futbolda har xil holatlar bo‘ladi, maydonda provakasiya va hissiyotlarga berilmay g‘alaba ishtiyoqida o‘yinni davom etirish bo‘yicha ko‘rsatmalar berildi. Ishonamizki, g‘alabalar hali oldinda. Bugungi g‘alaba jamoamiz a’zolarida o‘ziga bo‘lgan ishonchini oshirib, keyingi o‘yinlarda bahslarda yanada ijobiy natijalarga erishishlarida omil bo‘ladi, Yana bir bor muxlislarimizni g‘alaba bilan tabriylaymiz.

“Neftchi” PFK matbuot xizmati