"Монако"да тўп сурган ярим ҳимоячи Софьян Дион клубини ўзгартирди. Клуб расмий сайти хабар беришича, 22 ёшли футболчи фаолиятини Франциянинг бошқа бир жамоаси – “Ницца” таркибида давом эттиради.
"Софьянга фаолиятининг янги босқичида омад тилаймиз", - дейилади "Монако" матбуот хизмати хабарида.
Диоп "Монако" клубида 2018 йилнинг ёзидан буён ўйнаб келмоқда. Умуман олганда, у "Монако" сафида расмий ўйинларда 105 та ўйин ўтказиб, 17 та гол урган ва 9 та голли узатмани амалга оширган.
Лига 1нинг тўрт туридан сўнг “Ницца” турнир жадвалида 18-ўринни эгаллаб турибди.
