"Тоттенхэм" бош мураббийи Антонио Конте клуб ҳужумчи Харри Кейн билан шартномани узайтириш истагини яна бир бор маълум қилди. Эслатиб ўтамиз, 29 ёшли англияликнинг "шпорлар" билан амалдаги шартномаси 2024 йилнинг ёзида якунига етади.
“Тоттенхэм”даги ҳамма Кейннинг клубда қолиб, шартномани узайтиришини истайди”, деди Конте матбуот анжуманида.
Италиялик инсайдер Фабрицио Романонинг қўшимча қилишича, Кейн ҳозирда "Тоттенхэм"да жуда бахтли. Ҳужумчига бош мураббий Антонио Контенинг лойиҳаси ёқади.
Англия Премьер-лигасининг янги мавсумидаги дастлабки тўртта ўйинда Кейн 4та гол урди.













