"ПСЖ" устози Кристофф Галтье дарвозабон Кейлор Наваснинг жамоадан кетиши мумкинлиги ҳақидаги фикри билан ўртоқлашди. Жамоанинг биринчи рақамли дарвозабони - Жанлуижи Доннарумма.
"Биз Навас билан тез-тез мулоқот қиламиз. Ҳозир у бизнинг дарвозабонимиз ва ҳозирча жамоанинг қайдномасида бўлади", - деди Галтье Goal.com нашрига.
Аввалроқ Кейлор фаолиятини Италия чемпионатида давом эттириши мумкинлиги ҳақида хабарлар тарқалган эди. Дарвозабонга "Наполи" қизиқиш билдирмоқда.
Франция чемпионатининг бу мавсумида Навас майдонга тушмади. Сўнгги мавсумда у 21 та ўйин ўтказиб, 18 та гол ўтказиб юборган.
