"Манчестер Юнайтед" ва Англия терма жамоасининг собиқ ҳимоячиси Рио Фердинанд "қизиб иблислар" ҳужумчиси Криштиану Роналду АПЛнинг сўнгги икки ўйинида жамоасининг асосий таркибига киритилмагани ҳақида фикр билдирди.
Собиқ футболчининг сўзларига кўра, 37 ёшли португалиялик футболчи ҳозирги ҳолатдан жуда норози.
"Криштиану қоладими ёки йўқми, ҳеч биримиз аниқ айта олмаймиз, лекин Роналдуни билганим учун, у ҳозир жаҳли чиққанини аниқ айта оламан. Унинг ўрнига ким ўйнаши муҳим эмас, асосийси у асосий таркибда йўқ", - деди Фердинанд Mirror билан суҳбатда.
Жорий мавсумда Роналду “қизил иблислар” сафида тўртта ўйинда майдонга тушди. Аввалроқ, ҳужумчи фаолиятини "Наполи"да давом эттириши мумкинлиги ҳақида хабарлар тарқалган эди.
