Лондоннинг "Арсенал" клуби чоршанба оқшомида "Астон Вилла"ни меҳмон қилади. Микель Артета жамоаси яхши формада. Улар Англия, Италия, Франция ҳамда Германиядаги ўз имкониятидан максимум фойдаланган ягона жамоа бўлиб турибди. Ўтган мавсумда "Астон Вилла" билан 10 турда тўқнаш келинган. Ўшанда "Арсенал" эндигина 10 та гол урган бўлган. Айни дамда эса 4 та турдан сўнг 11 та гол уришга эришди. Қуйида Стивен Жеррард шогирдларига қарши чиқиши мумкин бўлган "Арсенал"нинг тахминий таркиби келтириб ўтилади.
Дарвозабон - Рамсдейл: собиқ "Борнмут" посбонининг АПЛдаги илк ғалабаси 2019 йилда айнан "Астон Вилла"га қарши ўйинда қўлга киритилганди. Рамсдейл бу рақибга қарши 4 та ўйиннинг ҳаммасида зафар қучган.
Чап қанот ҳимояси - Томиясу: Япония терма жамоаси аъзоси Бен Уайтга дам бериши мумкин. Чунки жамоани олдинда зичроқ тақвим кутмоқда. Шу сабаб Томиясу асосий таркибга қўшилди.
Марказий ҳимоя - Салиба: тарихга назар ташланса, 2019 йилда Салиба сотиб олингани маълум бўлади. Ўшанда "Арсенал" унинг имзоси учун "Тоттенхэм" билан курашган ва якунда ғолиб бўлганди.
Марказий ҳимоя - Габриэл: бразилиялик ҳимоячи "Фулхэм" билан ўйинда хато қилганди. Аммо сўнгги дамда гол уриб, уни ювган. Габриэл АПЛнинг янги мавсумида жами 4 та қўпол хатога йўл қўйди.
Чап қанот ҳимояси - Тирни: бу футболчи бир вақтлар ярим ҳимояда ҳам ўйнаган. Аммо бу позицияда Зинченкодан яхшироқ ҳаракат қилмаслиги маълум бўлган. Тирни бугун айнан унинг ўрнида ҳаракатланади.
Таянч ярим ҳимоя - Локонга: ёш Бельгия терма жамоаси аъзоси Эльнени ва Парти ўрнини эгаллаши кутилмоқда. Унинг ўйинида ҳам ўсиш рўй берган деб умид қиламиз.
Таянч ярим ҳимоя - Жака: Микель Артета сабабли жамоада қолган футболчи, бугун унинг таъсирида супер даражага чиқишга яқин турибди. Жаканинг ўйин унумдорлиги анча юқорилади.
Ҳужумкор марказ - Эдегор: "Арсенал"га келиб сардорга айланган футболчи 7 йил давомида "Реал" сафида эди. Аммо Ла-лигада атиги 3 та ўйинда қатнашди. Ҳозир эса у авжида.
Ҳужумкор ўнг қанот - Сака: 20 ёшли юлдуз катта фигурага айланиб улгурган. Аммо Сака март ойидан бери АПЛда гол урмади. Унинг сўнгги голи айнан "Астон Вилла"га қарши юз берган.
Ҳужумкор чап қанот - Смит-Роу: Жароҳатлар сабаб анча қийналиб қолган футболчи янги мавсумда захирага михланди. Аммо Артета уни бугун майдонга тушириши кутилмоқда. Тез орада 10 рақамли ҳужумчининг нималарга қодир эканини кўришимиз мумкин бўлади.
Ҳужумчи - Жезус: собиқ "Манчестер Сити" аъзоси "Астон Вилла" билан бўлган ўйинларнинг сўнгги 7 тасини ғалаба билан тугатган. Бугун эса у ўз статистикасини ижобий томонга ўзгартириши мумкин бўлади.
Эслатиб ўтамиз, АПЛнинг 5 туридан ўрин олган "Арсенал" ҳамда "Астон Вилла" ўртасидаги баҳс, Тошкент вақти билан 23:30да старт олади.
ИСМАТОВ Ж.
