Антони ва Мартин Дубравканинг трансферлари "Манчестер Юнайтед"нинг ушбу трансфер ойнасидаги охиргиси бўлади.
Бу ҳақда “МЮ” бош мураббийи Эрик тен Хаг маълум қилди.
"Ўйлайманки, бу [Дубравка трансфери] бизнинг трансфер ойнамизни тугатади. Аммо агар яхши имконият бўлса, биз топ-клуб сифатида изланишда бўлишимиз керак", - деди Тен Хаг.
Мураббий, шунингдек, Криштиану Роналду ва Аарон Ван-Биссака ёзда “Манчестер Юнайтед”ни тарк этмаслигини айтди.
“Роналду қолиши аниқ. Бизга сифатли футболчилар керак. Бизга кўпроқ ўйинчилар керак. Бу ротация имконини беради ва барқарорликни сақлайди.
Аарон ҳам қолади. "Манчестер Юнайтед" жорий таркиб билан сентябрдан камида январгача ўйнайди", - деди Тен Хаг.
