"Манчестер Сити" ҳужумчиси Жулиан Альварес Англия чемпионатининг 5-тури доирасидаги "Ноттингем Форест" устидан қозонилган ғалаба (6:0) ҳақида фикр билдирди. Аргентиналик футболчи бу учрашувда 2 та гол урди.
"Албатта, жамоанинг ўйинидан жуда мамнунман, иккита гол ва мухлисларнинг бундай қабулидан хурсандман. Менимча, гап мен ёки Эрлингда эмас, биз асосий таркибда бирга ўйнай оламиз. Премьер-лигадаги баъзи нарсалар Аргентина лигасига ўхшайди, масалан прессинг, лекин Премьер-лигада ҳаммаси тезроқ, мен бунга мослашишим керак. Жамоадошларим менга ёрдам беришмоқда ва бунинг учун жуда миннатдорман”, - дея Альвареснинг сўзларидан иқтибос келтиради BBC.
"Манчестер Сити" 13 очко жамғариб, АПЛ турнир жадвалида иккинчи ўринни эгаллаб олди.
