Лондоннинг "Челси" клуби "Барселона"дан Пьер-Эмерик Обамеянгдан ташқари яна бир ҳужумчи сотиб олиши мумкин.
Эслатиб ўтамиз, "кўклар" бугун Обамеянгнинг трансферига Маркос Алонсо билан бирга яна 12 миллион евро тўлаш бўйича келишувга эришди.
Журналист Жерар Ромеронинг ёзишича, "Челси" "Барселона"дан ҳужумчи Мемфис Депайни ҳам ўз сафига қўшиб олиши мумкин. Нидерландиялик футболчи бугун "кўк-анорранглилар"га ўз клуби рўйхатини ўзгартириш истаги ҳақида хабар берди.
"Челси" ва "Барселона" потенциал келишувни фаол муҳокама қилмоқда. Аввалроқ каталонияликлар нидерландиялик футболчи билан шартномани бекор қилиб, уни текинга "Ювентус"га қўйиб юборишга рози бўлган, бироқ футболчи шартнома шартлари бўйича келишмагани учун келишув амалга ошмаганди.
