“Шўртан” ҳамда “Машъал” жамоалари ўртасидаги учрашув якунига етгач, ҳар икки жамоа бош мураббийлари ўртасида матбуот анжумани бўлиб ўтди.

Дастлаб саволларга меҳмонлар бош мураббийи Александр Хомяков жавоб берди:

“Аввало, бугунги ғалаба билан рақибларимизни чин қалбимдан табриклайман” дея, ўз сўзини бошлади “Машъал” жамоаси бош мураббийи.

“Биз бугунги учрашувга жиддий тайёргарлик кўргандик. Рақибимизни мукаммал тарзда ўргандик, жамоанинг кучли ва кучсиз тарафларини ўрганиб, махсус тактика асосида майдонга тушгандик. Асосан урғуни ҳимояга бердик ва вазият бўлди дегунча қарши ҳужумга ўтишни мўлжаллаган эдик, лекин ўйлаган режаларимиз амалга ошмади. Ташаббусни тўлалигича рақибларга бериб қўйдик.