"Челси" ярим ҳимоячиси Кристиан Пулишич трансфер ойнасининг сўнгги кунида "Ньюкасл" жамоасига ўтиши мумкин эди, аммо Лондон клуби футболчини қўйиб юбормади, чунки унинг ўрнини босадиган вариант йўқ эди. Бу ҳақда Sky Sports нашри хабар бермоқда.
Эслатиб ўтамиз, "Челси" ушбу трансфер ойнасида Пулишич билан хайрлашишга қарши эмас эди, бироқ манфаатдор клубларнинг ҳеч бири "кўклар" раҳбариятининг молиявий талабларига жавоб бера олмади.
Янги мавсумда Пулишич бирорта ҳам самарали ҳаракати билан ажралиб турмади. Сўнгги мавсумда футболчи ўз ҳисобига 6 та гол ва иккита голли узатма ёздириб қўйди.
Пулишич 2019 йилнинг ёзида Дортмунднинг "Боруссия"сидан "Челси"га ўтган эди.
