"Барселона" бош мураббийи Хави Эрнандес Хорди Альбанинг жамоани тарк этиши ҳақида ҳақида ҳатто ўйлаб ҳам кўрмади.

Трансфер ойнасининг сўнгги кунларида 33 ёшли чап қанот ҳимоячиси "Интер"га ўтиши мумкин эди, аммо бу имкониятдан у воз кечди ва бор эътиборини "Барселона"нинг асосий таркибига қайтиш учун курашишга қаратди.

«Мен Альбани мен билан жуда ишончли муносабатларга эга инсон сифатида жуда яхши биламан. Уни биз билан қолишини истайман.

Хорди қанча ўйин дақиқасига эга бўлмасин, у жамоа учун жуда муҳим футболчи. У "Барселона"га содиқ ва мен унинг жамоани тарк этишини хаёлимга ҳам келтирмайман.

Хорди албатта майдонда ўз имкониятини қўлга киритади, бизга унинг тажрибаси керак. Жамоани танлашда биз ёшга, исмга, унвонларга қарамаймиз - фақат ҳозирги тайёргарлик ва савияга қараймиз», - дейди "Барселона" бош мураббийи.