"Манчестер Сити" бош мураббийи Хосеп Гвардиола ярим ҳимоячи Кевин де Брюйне Англия Премьер-лигасида голли узатмалар сони бўйича Стивен Жеррарддан ўзиб кетишига ишонмоқда. Англиялик футболчи 92та голли узатмани амалга оширган бўлса, белгиялик футболчи 90та ассистга эга.
"Жеррардга ачинаман, аммо Де Брюйне АПЛда голли узатмалар бўйича ундан ўзиб кетади", - дея Гвардиоланинг сўзларини келтиради "Манчестер Сити" расмий сайти.
Эслатиб ўтамиз, Стивен Жеррард бутун футболчилик фаолиятини "Ливерпуль" таркибида Премьер-лигада ўтказган. Айни дамда англиялик чемпионатнинг навбатдаги турида "Манчестер Сити"ни қабул қиладиган "Астон Вилла" клуби мураббийи сифатида фаолият юритмоқда.
