“Рома” бош мураббийи Жозе Моуриньо А Сериянинг август ойидаги энг яхши мураббийи деб топилди, деб хабар беради турнир расмий сайти.
Португалиялик мутахассис бошчилигидаги римликлар ўтган ойда тўртта ўйин ўтказиб, учта ғалаба ва бир марта дуранг қайд этишган. “Рома” “Салернитана”ни (1:0), “Кремонезе”ни (1:0) ва “Монца”ни (3:0) мағлуб этди, “Ювентус” билан дуранг ўйнади (1:1).
“Рома” ўтган мавсумда Моуриньо билан Италия чемпионатида олтинчи ўринни эгаллади ва Конференциялар кубогини қўлга киритди.
