"Манчестер Юнайтед" бош мураббийи кечаги Лондоннинг "Арсенал" жамоаси устидан қозонилган ғалабада ярим ҳимоячи Кристиан Эриксеннинг ролини тушунтириб берди.
Эслатиб ўтамиз, "қизил иблислар" ўз майдонида "канонирлар"ни 3:1 ҳисобида мағлуб этганди. Эриксен голли узатмани амалга оширди.
"Биз уни чуқурроқ позицияга туширдик. У "олти" ва "саккизта" ўйнади. У жуда кўп эркинликка эга эди. Бу ўйин натижасини ҳал қила оладиган футболчилардан бири. Кристиан чизиқлар орасидаги бўшлиқни жуда яхши кўради ва узатмаларни беради” - деди Тен Хаг ўйиндан кейин ўтказилган матбуот анжуманида.
"Манчестер Юнайтед" АПЛ турнир жадвалида бешинчи ўринни эгаллаб турибди.
