"Manchester Yunayted" bosh murabbiyi kechagi Londonning "Arsenal" jamoasi ustidan qozonilgan g‘alabada yarim himoyachi Kristian Eriksenning rolini tushuntirib berdi.

Eslatib o‘tamiz, "qizil iblislar" o‘z maydonida "kanonirlar"ni 3:1 hisobida mag‘lub etgandi. Eriksen golli uzatmani amalga oshirdi.

"Biz uni chuqurroq pozisiyaga tushirdik. U "olti" va "sakkizta" o‘ynadi. U juda ko‘p erkinlikka ega edi. Bu o‘yin natijasini hal qila oladigan futbolchilardan biri. Kristian chiziqlar orasidagi bo‘shliqni juda yaxshi ko‘radi va uzatmalarni beradi” - dedi Ten Xag o‘yindan keyin o‘tkazilgan matbuot anjumanida.

"Manchester Yunayted" APL turnir jadvalida beshinchi o‘rinni egallab turibdi.