"Челси" бош мураббийи Томас Тухель 22 ёшли ҳимоячи Рис Жеймс билан шартномани узайтирганидан хурсанд.
Душанба куни Лондон клуби ёш инглиз футболчиси билан янги олти йиллик шартнома имзолаганини расман эълон қилди.
"Жеймс биз учун жуда муҳим футболчи, клуб академиясини ҳимоя қилади. Унинг ривожланиши ҳали тугалланмаган олдинда кўп нарса бор. Асосий ўйинчимиз узоқ муддатли шартнома имзолаганидан жуда хурсандмиз”, - деди германиялик мураббий.
Рис Жеймс жорий мавсум “Челси” сафида 5 та ўйинда майдонга тушиб, 1 та гол ва битта голли узатмани амалга оширди.
