Сербиялик ҳимоячи Никола Максимович фаолиятини Италия чемпионатида давом эттириши мумкин.
Эркин агент ҳисобланган футболчи Римнинг "Рома" клуби қизиқишлари доирасига тушиб қолди, бу ҳақда ижтимоий тармоқларда инсайдер Николо Скира хабар берди.
Максимовичнинг охирги клуби "Женоа" эди. 30 ёшли ҳимоячи ўтган мавсумда А Сериянинг 14 ўйинида майдонга тушиб, иккита сариқ карточка олди.
Италия чемпионатининг беш туридан сўнг Рим клуби ўн очко жамғариб, турнир жадвалида бешинчи ўринни эгаллаб турибди.