Лондоннинг “Челси” клуби ярим ҳимоячиси Мэйсон Маунт билан шартномани узайтириш устида ишламоқда. Журналист Фабрицио Романонинг сўзларига кўра, "кўклар" тарбияланувчиси аллақачон клубдан расмий таклиф кутмоқда.
"Челси" аллақачон икки футболчи Рис Жеймс ва Армандо Броя билан шартномани узайтирди. Ҳар икки футболчининг маоши сезиларли даражада оширилган. Маунт "Челси"нинг энг кўп маош олувчи футболчиларидан бирига айланиши кутилмоқда.
Маунт ўтган мавсумда Премьер-лигада 11 гол урди ва 10 голга ассистентлик қилган.