"Челси" бош мураббийи Томас Тухель ўз клубини яна 100та ўйинда бошқармоқчи эканлигини айтди.
Эслатиб ўтамиз, бугунги Загребнинг "Динамо"сига қарши ўйин немис мутахассиси учун "Челси" бошчилигидаги 100-ўйин бўлади.
“100 та баҳс? Бу зўр. Умид қиламанки, яна 100та баҳсда иштирок этиш насиб қилади. Лекин бунинг учун меҳнат қилишим керак. Бироқ, мен бу маррага эришганимдан фахрланаман”, дейди Тухель матбуот анжуманида.
Тухель 2021 йилнинг январида «Челси» бошқарувига келган эди. Ўшандан бери немис мураббийи Лондон клуби билан Чемпионлар лигаси, клублар ўртасидаги жаҳон чемпионати ва УEФА Суперкубогида ғолиб чиқди.
