"ПСЖ" ҳужумчиси Килиан Мбаппе нима учун "Реал"га ўтишни рад этгани ва Париж клуби билан шартномасини узайтирганини тушунтириб берди. 23 ёшли француз Франция президенти Эммануэл Макрон билан суҳбати ҳақида гапирди.
"Сабаби дунёнинг исталган клубида клубида, қаерга борсам ҳам, ўша пулларни топардим. Ҳар қайси клубда ҳам шу даражадаги ўйинчи бўламан.
Аввал ҳеч қачон мамлакат президенти билан келажагим, фаолиятим бўйича ҳақида гаплашаман деб ўйламаганман. Ақлбовар қилмас бир ҳолат бўлди.
Макрон менга қуйидаги сўзларни айтди: "Мен қолишингни хоҳлайман. Айнан ҳозир кетишингни истамайман. Сен мамлакат учун жуда муҳимсан".
Ҳужумчи жорий мавсум парижликлар сафида 5 та ўйинда майдонга тушиб, 7 та гол урди. Унинг клуб билан шартномаси 2025 йилнинг 30 июнига қадар амал қилади.
Transfermarkt портали футболчининг нархини 160 миллион еврога баҳоламоқда.
