"Барселона" бош мураббийи Хави ярим ҳимоячи Миралем Пьяничнинг "Шаржа"га ўтиши мумкинлиги ҳақида фикр билдирди.
"Пьянич кўпроқ имкониятларга эга бўлиш учун кетишга қарор қилди - у ҳақиқий профессионал эди, менимча, бу ерда унинг имкониятлари бўлган, лекин ҳар ким ўз йўлини танлайди", - дея Хавидан иқтибос келтиради Barca Universal.
Аввалроқ, 32 ёшли босниялик футболчига "Шаржа" клуби қизиқиш билдираётгани маълум бўлганди. Унга уч йиллик шартнома таклиф қилишмоқда.
Пьянич ўтган мавсумни "Бешиктош"да ижарада ўтказган ва 26 ўйинда 4 голга ассистентлик қилган. Унинг "Барселона" билан шартномаси 2024 йилнинг июнида якунига етади.
