Антонио Конте Чемпионлар лигаси доирасидаги "Марсел"га қарши ўйин олдидан "Тоттенхэм"нинг ўйин тақвими ҳақида ҳайратда эканлигини айтди.

“Тўғрисини айтсам, бизнинг жадвалимиз ақл бовар қилмайдиган даражада. Олти кун ичида учта лига ўйинини ўтказдик, энди эса бор-йўғи тўрт кундан кейин Чемпионлар лигасида ўйнаймиз. Биз "Марсел"га қарши, "Манчестер Сити" ва "Спортинг"га қарши ўйнашимиз керак ва буларнинг барчаси олти кун ичида. Фаолиятимда биринчи марта бундай тақвимга дуч келишим", - деди Конте.

Чоршанба куни Чемпионлар лигаси гуруҳ босқичининг 1-тури доирасида "Тоттенхэм" ўз майдонида "Марсел"ни қабул қилади.