Мадриднинг “Реал” клуби бош мураббийи Карло Анчелотти ЕЧЛ гуруҳ босқичи 1-тури доирасидаги “Селтик” устидан қозонилган ғалаба (3:0) ҳақида фикр билдирди. Мадридликлар ҳужумчиси Карим Бензема жароҳат олиб, алмаштирилди.
"Ҳозир Бензема жиддий муаммога дуч келганга ўхшамайди. Бу кўпроқ ёқимсиз оғриқ бўлиб туюлади, лекин эртага тиззасини яна текширамиз. “Селтик”нинг марказий ҳимоячилари прессинг қилмаётгани учун Каримнинг ўрнига майдонга тушишимиз керак бўлганида, бу Азар учун ўйин деб қарор қилдим. Биринчи бўлимда, албатта, биз яхшироқ ўйнашимиз мумкин эди, иккинчи бўлим эса мукаммал ўтди", - дея Анчелотти сўзларини келтирмоқда УЕФА матбуот хизмати.
Чемпионлар лигасининг 2-турида Мадриднинг “Реал” клуби “Лейпциг”га қарши баҳс олиб боради. Ўйин 14 сентябрь куни бўлиб ўтади.
