Узоқ 1996 йилдан бери Чемпионлар лигасида ғолиб чиқа олмаган Туриннинг “Ювентус” клуби навбатдаги турнирдаги ўйинларини омадсизлик билан бошлади. Италя гранди Парижда “ПСЖ”га мағлуб бўлди. Айниқса, Массимилиано Аллегри шогирдлари учун омадсиз бўлган биринчи бўлимда жамоа ўз дарвозасидан жавобсиз иккита гол ўтказиб юборди.

"Бу қўлдан бой берилган имконият. Ўйин охирида биз қатъиятлироқ, аниқроқ бўлишимиз керак эди. Маккени бизга куч берди, қанотларда кўпроқ ҳужум қилишимиз керак эди. Биз бор нарсамиз билан чиқмагунимизча баъзи ўйинчиларнинг қайтишини кутамиз", - дея Аллегри сўзларидан иқтибос келтиради La Gazzetta Dello Sport.