Чемпионлар лигаси гуруҳ босқичи 1-тур учрашувида Донецкнинг “Шахтёр” клуби кутилмаганда Германиянинг “Лейпциг” клубини сафарда 4:1 ҳисобида мағлуб этди. Учрашувдан сўнг жамоа бош мураббийи Игорь Йовичевич шов-шувли натижа ҳақида фикр билдирди.
“Биз бу натижага лойиқмиз. Юрагингиз билан ватан учун ўйнасангиз, бугунги кундагидек натижа бўлади. Мен жамоа билан фахрланаман. Ҳозир мен дунёдаги энг бахтли мураббийман. Унутилмас дебют”, - деди хорватиялик мутахассис "Шахтёр" клуби матбуот хизматига.
Бу квартетнинг параллел ўйинида Мадриднинг “Реал” клуби меҳмонда Шотландиянинг “Селтик” клубини 3:0 ҳисобида мағлуб этди.
Иккинчи турда “Шахтёр” ўз майдонида Глазго жамоаси билан тўқнаш келган бўлса, “Лейпциг” “Қироллик клуби”га қарши баҳс олиб боради.
