Chempionlar ligasi guruh bosqichi 1-tur uchrashuvida Doneskning “Shaxtyor” klubi kutilmaganda Germaniyaning “Leypsig” klubini safarda 4:1 hisobida mag‘lub etdi. Uchrashuvdan so‘ng jamoa bosh murabbiyi Igor Yovichevich shov-shuvli natija haqida fikr bildirdi.
“Biz bu natijaga loyiqmiz. Yuragingiz bilan vatan uchun o‘ynasangiz, bugungi kundagidek natija bo‘ladi. Men jamoa bilan faxrlanaman. Hozir men dunyodagi eng baxtli murabbiyman. Unutilmas debyut”, - dedi xorvatiyalik mutaxassis "Shaxtyor" klubi matbuot xizmatiga.
Bu kvartetning parallel o‘yinida Madridning “Real” klubi mehmonda Shotlandiyaning “Seltik” klubini 3:0 hisobida mag‘lub etdi.
Ikkinchi turda “Shaxtyor” o‘z maydonida Glazgo jamoasi bilan to‘qnash kelgan bo‘lsa, “Leypsig” “Qirollik klubi”ga qarshi bahs olib boradi.
