"Челси" бош мураббийи Томас Тухель Загребнинг "Динамо" жамоасига қарши Чемпионлар лигаси гуруҳ босқичининг 1-тур учрашувида жамоасининг мағлубияти ҳақида фикр билдирди.
Эслатиб ўтамиз, хорватлар Мислав Оршичнинг голи эвазига 1:0 ҳисобидаги минимал ғалабани тантана қилган эди.
“Мен ўзимдан ғазабдаман. Нега? Чунки мен буни олдиндан билмасдим. Мен бошқача фильм кўраётгандек бўлдим. “Вест Хэм”га қарши сўнгги ўйин бизга ёрдам берди деб ўйладим, чунки биз реакция кўрсатдик ва кейин яхши тайёргарлик кўрдик” - деди Тухель ўйиндан кейинги матбуот анжуманида.
"Челси" Чемпионлар лигасида ўз гуруҳида охирги ўринни эгаллаб турибди. Кеча "кўклар"нинг бошқа рақиблари "Милан" ва "Зальцбург" ўзаро дуранг ўйнади - 1:1.