"Барселона" бош мураббийи Хави жамоасининг сўнгги йиллардаги Чемпионлар лигасидаги муваффақиятсизликлари ҳақида ўз фикрини айтди.
“Бир хил ўйинлар бўлмайди. "Ливерпуль" билан ўйин "Бавария" жамоасига қарши ўйин билан бир хил эмас эди. Буни такрорламасликка ҳаракат қиламиз, курашамиз. Бу турнир юқори савияни талаб қилади. Бу бошқа такрорланмаслигига ишонч ҳосил қилиш учун қўлимиздан келганича ҳаракат қиламиз. Биз охиригача курашиб, ғалаба қозонишни истаймиз", - деди Хави Marca билан суҳбатда.
"Барселона" - "Виктория" учрашуви бугун тунда "Камп Ноу"да бўлиб ўтади.
Каталонияликлар “C” гуруҳидан жой олган бўлиб, улар “Бавария” ва “Интер” билан ҳам тўқнаш келишади.
