“Виктория” бош мураббийи Михал Билек Чемпионлар лигаси доирасидаги “Барселона”дан сафарда учралган мағлубият (1:5) ҳақида фикр билдирди.

"Биз ўйин қийин бўлишини кутгандик. Йигитлар қўлларидан келганини қилишди, аммо бу етарли эмас эди. "Барселона” ҳар томонлама ажойиб ўйин сифатини кўрсатди.

Биз жуда кўп ҳаракат қилдик ва имкониятлар яратдик. Танаффус олдидан ўтказиб юборилган голдан афсусдамиз. Аммо умуман олганда, бу биз учун яхши тажриба бўлди.

Левандовски бугун маҳорат кўрсатди. Унинг ҳужумни якунлаш маҳорати ажойиб ва ​​у жарима майдончаси ичида ўз ўрнини мукаммал топади. У мутлақо ҳақли равишда дунёнинг энг яхши ҳужумчиларидан бири ҳисобланади", - деди Билек УЕФА расмий сайтига.