"Брайтон" бош мураббий Грем Поттернинг бугунги матбуот анжуманини бекор қилди. Англиялик мутахассис Англия Премьер-лигасининг "Борнмут" билан сафар учрашуви арафасида фикр билдириши керак эди.
The Athletic нашрининг хабарига кўра, матбуот анжумани Поттернинг Лондоннинг "Челси" жамоасига тайинланиши билан боғлиқ вазият туфайли бекор қилинган. Манбага кўра, музокаралар якуний босқичда.
"Челси" бугун Поттернинг тайинланишини эълон қилмоқчи. Эртага "кўклар" Англия Премьер-лигасида "Фулхэм" билан "Лондон дербиси"да сафарда ўйнайди.