"Арсенал" бош мураббийи Микель Артета "Манчестер Юнайтед"га қарши ўйинда жамоа сафида дебют қилган ярим ҳимоячи Фабиу Вийеранинг ҳолати ҳақида фикр билдирди. Эслатиб ўтамиз, ярим ҳимоячи "канонирлар" сафига "Порту"дан кўчиб ўтганди.
“Жисмоний машқлар пайтида жароҳатни аниқлаганимиз жуда ачинарли. Шу сабабли у мавсумолди йиғинни ўтказиб юборишга мажбур бўлди. Умид қиламанки, у тез орада ўзини кўрсата олади. Ишончим комилки, келгуси ҳафталарда Вийеранинг ўйини сизга ёқади" - деди Артета матбуот анжуманида.
Айни дамда “Арсенал” АПЛ турнир жадвалида 6 турдан кейин “Манчестер Сити”дан бир очко фарқ билан пешқадамлик қилмоқда.
