Испаниянинг “Валенсия” клуби чап қанот ҳимоячиси Хорди Альба каталониянинг Барселона клубига ўтди. Бу ҳақда “Барселона” расмий сайти маълум қилди.
23 ёшли истеъдодли ҳимоячи каталонияликлар билан 5 йиллик шартномага имзо чекди. Унинг трансфери эса “Барса” учун 14 миллион еврога тушган.
Эслатиб ўтамиз, Хорди Альба аслида “Барселона” клубининг тарбияланувчиси ҳисобланади. Аммо, кейинчалик у Барселонани тарк этиб “Валенсия” сафига кўчиб ўтган эди. Каталонияликлар чап қанот ҳимоячси билан боғлиқ муаммолар туфайли, ушбу қанотга футболчи қидираётган эдилар. Хорди Альба варианти эса клуб бош мураббийи ва президенти тиомонидан маъқулланган.
Айни дамда футболчи, Испания терма жамоаси билан биргаликда Европа чемпионатида қатнашаётганидан хабарингиз бор.
