“Барселона” бош мураббийи ҳимоячи Хорди Альба атрофидаги вазиятни тушунтириб берди.

Олдинроқ, испаниялик футболчи каталонияликлар унга билдирмасдан, "Интер" билан трансфер келишувига эришмоқчи бўлганидан ғазаблангани хабар қилинганди.

Яқинда ўз интервьюсида Альба ёзги трансфер ойнасида "Барселона"ни тарк этиши мумкинлиги ҳақида фикр билдирар экан, "Мен сизга кўпроқ гапиришим мумкин эди, лекин бу мавзуга чуқур кирмоқчи эмасман", деди.

"Биз Альбанинг сўзларини тушунамиз. У меҳнаткаш футболчи. Бу вазиятда мен учун ҳеч қандай муаммо йўқ.

Ҳар кимнинг ўз шахсий фикри бор. Энг муҳими, у профессионал тарзда шуғулланади ва жамоа етакчиларидан бири”, — деди Хави.