“Barselona” bosh murabbiyi himoyachi Xordi Alba atrofidagi vaziyatni tushuntirib berdi.
Oldinroq, ispaniyalik futbolchi kataloniyaliklar unga bildirmasdan, "Inter" bilan transfer kelishuviga erishmoqchi bo‘lganidan g‘azablangani xabar qilingandi.
Yaqinda o‘z intervyusida Alba yozgi transfer oynasida "Barselona"ni tark etishi mumkinligi haqida fikr bildirar ekan, "Men sizga ko‘proq gapirishim mumkin edi, lekin bu mavzuga chuqur kirmoqchi emasman", dedi.
"Biz Albaning so‘zlarini tushunamiz. U mehnatkash futbolchi. Bu vaziyatda men uchun hech qanday muammo yo‘q.
Har kimning o‘z shaxsiy fikri bor. Eng muhimi, u professional tarzda shug‘ullanadi va jamoa yetakchilaridan biri”, — dedi Xavi.
