"Барселона"нинг янги футболчиси Эктор Бельерин Каталонияга ўтиш учун маошини сезиларли даражада қисқартирди. Бу ҳақда ижтимоий тармоқларда италиялик журналист Фабрицио Романо хабар берди.
Манба шунингдек, "Барселона"га ўтиш учун Бельерин номи ошкор этилмаган иккита клубнинг таклифларини рад этганини таъкидлайди. Эслатиб ўтамиз, испаниялик футболчи Лондоннинг "Арсенал" клуби билан шартномасини бекор қилган ва белгиланган муддатда эркин агент сифатида "Барселона"га ўтганди.