"Наполи"нинг ҳужумкор ярим ҳимоячиси Хвича Кварацхелия "Реал" эътиборини тортди. "Қаймоқранглилар" неаполитанликлар клубига янги келган футболчининг муваффақиятли ўйинидан ҳайратда ва 21 ёшли футболчини қўлга киритмоқчи.

Fichajes нашрининг фикрича, "қироллик клуби" жорий мавсумда ҳам грузиялик футболчининг ўйинини кузатишда давом этади. Мадриднинг “Реал” клуби келаси ёзда Кварацхелияга таклиф билан чиқишни режалаштирмоқда. Мадридликлар Хвичани шартномаси шу мавсум охирида тугайдиган испаниялик Марко Асенсиога муқобил вариант сифатида кўрмоқда.

Италия А Сериясининг жорий мавсумида грузиялик ярим ҳимоячи бешта ўйинда майдонга тушиб, тўртта гол урди ва битта голли узатмани амалга оширди.