Испания ҳамда Италия терма жамоалари ўртасидаги финал учрашувини португалиялик рефери Педро Проенса бошчилигидаги ҳакамлар бригадаси бошқариб борадиган бўлди, дея хабар бермоқда Infostrada.
Португалиялик ҳакам мазкур мусобақада 3 та учрашувни бошқаришга улгурди. Булар Испания-Ирландия, Швеция-Франция ҳамда Италия ва Англия терма жамоалари ўртасидаги чорак финал учрашуви.
Таъкидлаб ўтиш жоизки, Проенса мазкур учрашувларда дарвозалар томон бир маротаба ҳам пенальти белгиламаган ва қизил карточка кўрсатмаган. Жами бўлиб эса, футболчиларни 10 марта огоҳлантирган.
Эслатиб ўтамиз, тажрибали ҳакам бу йилги ЕЧЛ финалини (Бавария-Челси) ҳам бошқарган эди.
