Ла лига президенти Хавьер Тебас Англия премьер-лигаси клубларининг ёзги трансфер пайтидаги харажатлари юзасидан УЕФА шикоят тайёрламоқда.

АПЛ клублари ёзда 2 миллиард фунт стерлингдан кўпроқ пул сарфлашди. Испания Ла лигаси клубларининг бу борадаги сарф-харажати эса 404 миллион еврони ташкил этди, холос. Англия клубларининг соф харажатлари 1352 миллион еврога тенг бўлган бўлса, испан жамоаларининг бундай харажати 52,4 миллион еврони ташкил этди.

"Англия премьер-лигасининг даромадлари Ла лига ва Бундеслигага нисбатан 1,8 баравар кўп, аммо АПЛ харажати Испания ва Германия чемпионатига жамоаларига нисбатан 20 баравар кўп. "Манчестер Сити" каби клубларда харажатлар ошиб бормоқда ва улар кўп футболчиларни харид қилишмоқда. Футбол саноати ўзгарди ва соҳада пул кўпайди. Агар назорат бўлмаса, соҳа хавф остида қолади. Энг барқарор чемпионатлар — бу Ла лига ва Бундеслига", — деди Тебас "LaLiga Squad Spending Limits" тақдимоти пайтида.