Туриннинг "Ювентус" клуби ҳимоячиси Алекс Сандро янги шартнома имзоламоқчи эмас. Calciomercato нашрининг хабар беришича, 31 ёшли бразилиялик ҳимоячи ўз клубини ўзгартиришга қарор қилган. Унинг шартномаси 2023 йилнинг ёзида якунига етади.
Манбанинг қайд этишича, "Ювентус" Алексга ўринбосар топган. Унинг ўрнига Лиссабоннинг "Бенфика" клуби ҳимоячиси Алехандро Гримальдо билан шартнома имзолашни режалаштирмоқда.
Сандро "Ювентус"да 2015 йилнинг августидан буён тўп суради. Италия А Сериясининг жорий мавсумида бразилиялик олтита жанг ўтказди ва уларда битта голли узатмани амалга оширди ва иккита сариқ карточка олди.