"Манчестер Юнайтед" ярим ҳимоячиси Кристиан Эриксен яқинда "Реал"дан "Олд Траффорд"га кўчиб ўтган жамоадоши Каземиро ҳақида илиқ фикрларни билдирди.
Эслатиб ўтамиз, бразилиялик футболчининг трансфер суммаси келажакда бонусларни ҳисобга олган ҳолда 80 миллион еврогача етиши мумкин.
"Каземиро майдонга тушди ва ўзининг қанчалик кучли эканлигини кўрсатди. У ҳақиқий ғолиб. Шу билан бирга, бизда ҳали Фред ва ван де Бек каби футболчилар бор, улар жамоада бир йилдан кўпроқ вақт давомида тўп сурмоқда", - деди даниялик футболчи "Манчестер Юнайтед" расмий сайтига.
Эриксеннинг ўзи ҳам ёзда "қизил иблислар" сафига текинга келиб қўшилганди. Даниялик футболчи Премьер-лиганинг янги мавсумида битта голли узатмани амалга оширишга муваффақ бўлди.
