Лондоннинг "Арсенал" клуби собиқ ярим ҳимоячиси Александр Глеб "канонирлар"нинг собиқ бош мураббийи Арсен Венгер ҳақида ўз фикрлари билан ўртоқлашди.
Эслатиб ўтамиз, Глеб 2005 йилнинг ёзида 15 миллион евро эвазига "Штутгарт"дан "Арсенал"га ўтган эди. Умуман олганда, беларуслик инглиз клуби таркибида 130 та ўйин ўтказиб, 10 та гол урган ва 20 та голли узатмани амалга оширган.
“У биринчи учрашувданоқ кучли таассурот қолдирди. Суҳбат давомида сизни том маънода ўқир эди. Суҳбатдошни мукаммал ҳис қилдим. У умуман гапиришдан қўрқмасди. Ҳар доим имконият берган: агар машғулотларда яхши ишлаган бўлсангиз, майдонда ўзингизни кўрсатиш учун имконият бўлишини билар эдингиз", - деди Глеб "Спорт24" билан суҳбатда.
Глеб футболчилик фаолиятини 2020 йилнинг баҳорида якунлаганди. Ярим ҳимоячи "Арсенал" ва "Штутгарт"дан ташқари "Барселона", "БАТЕ Борисов" ва "Криля Советов" клубларида ҳам тўп сурган.
