Украина терма жамоаси ва “Шахтёр” клуби ярим ҳимоячиси Михайло Мудрикка Англия Премьер-лигасининг яна бир клуби қизиқиш билдирмоқда.
Liverpool Echo нашрининг маълум қилишича, "Эвертон" 21 ёшли футболчининг трансферини амалга оширмоқчи. "Эвертон" қишки трансфер ойнасида украиналик иқтидорни сотиб олмоқчи.
Мудрик учун курашда мерсисайдликларнинг рақиблари Лондоннинг “Арсенал”, Леверкузеннинг “Байер” ва Франциянинг “Ницца” клублари бўлади.
Мудрикнинг трансфер нархи 15 миллион еврога баҳоланмоқда.
Жорий мавсумда у "кончилар" сафида тўртта ўйин ўтказиб, битта гол урди ва учта голли узатмани амалга оширди.
